Esther 3:13 — Compare Translations

Guarani 1996 (Ñandejara Ñe’ẽ ✟)

Kóicha he'i upe kuatia: “Mburuvicha guasu Artajerjes oikuaauka kóicha mayma mburuvicha kuérape oĩva ko tetãme ojepysóva tetã Índia guive Etiopía peve ha oñemboja'óva 127 hendápe: ‘Che hína heta tetã ruvicha ha opa ko yvy oĩ che po guýpe. Upéicha ramo jepe ndaha'éi añemoha'enteséva ha aiko mbaretépe. Añeha'ã uvei aisambyhy ko tetã py'a porãme ikatu haguáicha mayma oikóva che po guýpe ko tetã tuichakuére oiko py'a guapýpe ha kyhyje'ỹme. Upéva ningo maymáva oipota. ‘Aporandu rire umi he'ívape chéve upe ajapo vaerã ikatu haguã jaiko py'a guapýpe, Amán he'i chéve upe ajapo vaerã. Amán niko opavave apytégui upe iñakã porãvéva, opa árape ipy'a porãva ha heko jeroviaha hína. Upéva rehe voi, che rire ha'e oĩ. Amán he'i chéve opa tetã rupi ko yvy apére oĩha peteĩ tetãgua ojogueraha'ỹva avave ndive. Ha'e kuéra oikoháicha ndaipóri avave ha ndojapói voi upe mburuvicha guasu oipotáva ojejapo. Upéicha rupi añeha'ã ramo jepe ko ñane retã amboguata porã, chugui kuéra ndaikatúi. Ko'ã tetãgua añónte umi oñemoĩva opavave rehe ha ndojehe'ái avave ndive. Ha'e kuéra oikoháicha avave ndoikói. Ha ndojapói rupi umi mba'e che aipotáva, ivaívante ojapo ha upéicha rupi ko ñane retã oho vai. Upéva rehe aipota kóva ko áñope upe 14 arahápe upe 12 mes hápe, hérava Adár, ojejuka hembireko ha imitã nguérape reheve opa umi kuimba'e réra Amán omoĩva kuatia rehe. Upéicha peteĩ árape ojejukapáne opa umi oñemoĩva opavave rehe opa árape. Ha ikatúta upe rire amboguata ko ñane retã py'a guapýpe. Amán hína upe orekóva ipópe opa mba'e che retã rehegua ha ha'e hína chéve guarã che ru rangue ramo.’ ” Ha kuatia kuéra rerahaha opa rupi omoguahẽ ko kuatia oje'ehápe ojejukapa vaerãha opa judío kuéra, mitã térã tuja, kuña térã kuimba'e ha ojepe'a vaerãha chugui kuéra opa mba'e oguerekóva. Kóicha ojejapo vaerã upe mes hérava Adárpe, 13 arahápe.

Guarani 2001 (Biblia Guarani, Tumpa Iñee)

Jare omondo reta tupapire, jerajaa reta ndive opaete tëta reta mburuvicha guasu iporookuaía pegua pe, pɨpe oyókuai opaetei vaerä oyuka jare omokañɨtei opaete Judáɨgua reta jókuae ara voi: Taɨrusu reta, ndechi reta, michia reta jare kuña reta yasɨ Adar pe, jae ko yasɨ docea ara trece pe, oyemombae reve imbaembaegüe reta re.

Guarani 2015 (Ñanderuete Ñe’ẽ Porã 2015)

Ha oñemondo umi kuatiañe’ẽ tetã ruvicha remimondo rupi opaite tetãnguérape, ha he’iuka ipype ojejuka ha oñehundi hag̃ua opaite Judayguakuéra taha’e mitãrusu, tujakuéra térã kuñakuéra, pe ára 13-hápe, pe jasy 12-hápe, péva hína pe jasy Adar (Márzo), ojejukava’erã opaite Judayguakuérape, ha oñemomba’ epava’erã hikuái imba’erepykuéra rehe.

Guarani MBYA (Nhanderuete ayvu iky'a e'ỹ va'e)

Ha'e va'e kuaxia para omondouka ayvu reraaty kuery pe. Huvixa pegua yvy ha'e javi rupi omondouka judeu kuery omomba, ojukapa ha'e omokanhymba vyvoi aguã regua, kunumigue ha'e tujakue, kyrĩgue'i ha'e kunhague guive. Peteĩ ára pyve ojukapa aguã, doze jaxya adar 'epy va'e treze araa py, ha'e gui imba'e rei-reikue oipe'apa aguã guive.