Jeremiah 33:11 — Compare Translations

Gussi (EBIBILIA ENCHENU) 2020

Korende aase agwo eriogi ri’omogoko na eri’omochengo nariigugwe naende, eriogi ri’omonyuomi na eri’omoriakari, na amariogi ’abateri abwo bagotera ekero bakorenta okoruegwa gw’okoiraneria ng’a mbuya mono ase enyomba y’Omonene. Mbabe bagotera iga:” “Iraneria ng’a mbuya mono ase Omonene bw’Emeganda, ekiagera Omonene nomuya, obwanchani bwaye nigo bogendererete botambe. Inche Omonene ning’iranerie ense obuya bwaye bwe ritang’ani.” Nabo Omonene atebire.