1 Thessalonians 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1أَيْ، یَنْعُوَ، كُو مَا كُنْ سَنِ ثٜىٰوَ ذُوَانْمُ وُرِنْكُ بَيْ ذَمَ عَبَنْظَبَ؞

2عَمَّا كُواْدَيَكٜىٰ مُنْ رِغَا مُنْ شَا وَهَلَ دَ وُلَڧَنْثِ أَ ڢِلِبِے، كَمَرْ يَدَّ كُكَ سَنِ، اللَّهْ نْمُ يَڧَرْڢَڢَامُ دُواْمِنْ مُسَنَرْ مُكُ لَابَرِنْسَ مَيْ دَاطِے، دُكْ دَ ڟَنَنِنْ غَابَادَ عَكٜىٰيِ وَلَابَرِ مَيْ دَاطِنَّنْ؞

3غَمَا وَعَظِنْ دَمُكٜىٰيِ مُكُ بَيْ ڢِتُواْ نٜىٰ دَغَ كُسْكُرٜىٰبَ، كُواْ مُوغُنْ نُڢِ، كُواْ عَثٜىٰ مُنَ ڧُواْڧَرِنْ رُوطِنْكُ؞

4سَيْدَيْ كَمَرْ يَدَّ اللَّهْ يَيَرْدَ دَمُو يَدَنْڧَ مَنَ أَمَانَرْ وَعَظِنْ لَابَرِ مَيْ دَاطِے، حَكَ مُكٜىٰ سَنَرْ دَشِ، بَدُواْمِنْ مُڢَرَنْتَا وَمُتَنٜىٰ رَيْبَ، سَيْدَيْ دُواْمِنْ مُڢَرَنْتَا وَ اللَّهْ رَيْ، وَنْدَ يَكٜىٰ ڠُودَ ذُوثِيَارْمُ؞

5كَمَرْ يَدَّ كُنْ سَنِ، مَغَنَرْمُ بَتَظَاڧِنْ بَاكِ بَنٜىٰ، كُمَ بَا وَيْ مُنَدَ حَلِنْ ݣُوطَيِنْ دَمُكٜىٰ ٻُواْيٜىٰوَبَ؞ اللَّهْ كُوَ شِينٜىٰ شَيْدَرْمُ؞

6بَوَيْ كُمَ مُنَ نٜىٰمَنْ يَبُواْ دَغَ وُرِنْ مُتَنٜىٰ، كُواْ دَغَ وُرِنْكُ كُواْ وَطَنْسُ دَبَمْ بَ، كُواْدَيَكٜىٰ دَ مُنَ سُواْ دَ مُنْيِ أَمْڢَانِ دَ إِيكُواْ نَمَڟَيِنْمُ نَمَنْظَنِّنْ أَلْمَسِيحُ دُواْمِنْ مُنٜىٰمِ تَيْمَكُواْ؞

7عَمَّا يَدَّ مَامَا تَكٜىٰ رٜىٰنُوانْ جَرِرِنْتَ تَكُمَ لُورَ دَشِ، حَكَ مُنْ لُورَ دَكُو ثِكِنْ سَوْڧِنْ كَيْ؞

8سَبُواْدَ مُنَ ڧَوْنَرْكُ ڨُورَيْ، شِے يَسَا مُكَجِ دَاطِنْ يِمُكُ وَعَظِنْ لَابَرِ مَيْ دَاطِے نَ اللَّهْ ، بَوَعَظِ كَطَيْبَ، عَمَّا مُنْجِ دَاطِنْ بَادَ رَايُكَنْمُ سَبُواْدَ كُنْ شِغَ رَنْمُ سُواْسَيْ؞

9یَنْعُوَ، كُنْ تُنَ دَ عَيْكِ دَ ڢَامَرْ دَ مُكَ شَا! مُنْيِ تَعَيْكِ دَرٜىٰ دَ رَانَ سَبُواْدَ كَدَ مُسَا وَكُواْوَنٜىٰ طَيَنْكُ نَوْيِ سَعَدَّ مُكٜىٰيِ مُكُ وَعَظِنْ لَابَرِ مَيْ دَاطِے نَ اللَّهْ ؞

10كُو شَيْدُ نٜىٰ، اللَّهْ مَا شَيْدَ نٜىٰ غَمٜىٰدَ إِرِنْ حَلِنْ دَ مُكَ نُونَ مُكُ، كُو مَاسُ بَادَ غَسْكِيَ، وَتُواْ حَلِنْ ڟَرْكِے دَ نَأَدَلْثِے دَ نَرَشِنْ لَيْڢِے؞

11كَمَرْ يَدَّ كُكَ سَنِ، مُنْ بِيدَ كُواْوَنٜىٰ طَيَنْكُ كَمَرْ يَدَّ بَابَ يَكٜىٰبِدَ یَیَنْسَ؞

12مُكَيِ مُكُ غَرْغَطِے، مُكَ ڧَرْڢَڢَاكُ، مُكَ ضُواْڧٜىٰكُ كُيِ تَڢِيَرْكُ يَدَّ يَثَنْثَنْتَ أَغَبَنْ اللَّهْ ، شِے وَنْدَ يَكِرَاكُ ثِكِنْ مُلْكِنْسَ دَ طَوْكَكَرْسَ؞

13سَبُواْدَ وَنَّنْ نٜىٰ كُمَ مُكٜىٰ غُواْدٜىٰ وَ اللَّهْ كُلُّمْ، غَمَا سَعَدَّ كُكَ كَرْٻِ كَلْمَرْ اللَّهْ دَ كُكَجِ دَغَ وُرِنْمُ، بَكُ كَرْٻٜىٰتَ كَمَرْ مَغَنَرْ مُتُمْ ثٜىٰ بَ، سَيْدَيْ عَيْنِحِنْ يَدَّ تَكٜىٰ، وَتُواْ كَلْمَرْ اللَّهْ ، وَدَّ تَكٜىٰ عَيْكِ أَ ذُوثِيَارْكُ، كُو دَ كُكَ بَادَ غَسْكِيَ؞

14غَمَا كُو یَنْعُوَ، كُنْ ذَمَ مَاسُ كُواْيِ دَ دُكَنْ جَمَعَرْ مَاسُبِنْ اللَّهْ ثِكِنْ أَلْمَسِيحُ عِيسَىٰ ، وَطَنْدَ سُكٜىٰ عَيَنْكِنْ يَهُودِيَ، غَمَا كُنْ شَا وَهَلَ دَغَ مُتَنٜىٰنْ ڧَسَرْكُ، كَمَرْ يَدَّ سُكَشَا أَ حَنُّنْ يَهُودَاوَا؞

15يَهُودَاوَا نٜىٰ سُكَ كَشٜىٰ عُبَنْ‌غِجِ عِيسَىٰ دَ أَنَّبَاوَا، سُكَ كُمَ كُواْرٜىٰمُ؞ سُنَ ٻَاتَ وَ اللَّهْ رَيْ سُواْسَيْ! سُنَ غَابَادَ دُكَنْ مُتَنٜىٰ!

16سُنَ حَنَ مُيِ وَ وَطَنْدَ بَا يَهُودَاوَا بَ وَعَظِ دُواْمِنْ كَدَ وَطَنَّنْ سُسَامِ ثٜىٰتُواْ؞ تَهَكَ كُلُّمْ سُكٜىٰ ڧَارَ ثِكَ مُودُنْ ذُنُبَنْسُ؞ عَمَّا ڢَا ڢُشِنْ اللَّهْ يَارِغَا يَسَوْكَ عَكَنْسُ؞

17تُواْ، یَنْعُوَ، لُواْكَثِنْ دَ عَكَ رَبَمُ دَكُو نَطَنْ لُواْكَثِ، وَتُواْ أَ رَبُوَ تَجِكِے بَتَذُوثِيَابَ، مُنَ تَمَرْمَرِ، مُنَ تَڧُواْڧَرِ مُغَنْكُ ڢُسْكَ دَ ڢُسْكَ؞

18مُنْيِ نِيَّرْ ذُوَا وُرِنْكُ بَاشَكَّ؞ نِے بُلُسْ، نَيِ ڧُواْڧَرِ إِنْذُواْ بَا سَوْ طَيَبَ، بَ سَوْ بِيُبَ، عَمَّا شَيْطَنْ يَهَنَمُ؞

19غَمَا مٜىٰنٜىٰنٜىٰ أَبِنْ سَا ذُوثِيَارْمُ دَ أَبِنْ ڢَضٍ ثِكِنْمُ دَ كُمَ هُولَرْ لَادَنْ تَاڧَمَرْمُ أَغَبَنْ عُبَنْ‌غِجِ عِيسَىٰ أَ رَانَرْ دَاوُاْوَرْسَ، إِنْ بَكُوبَ؟

20أَيْ، كُونٜىٰ أَبِنْ تَاڧَمَرْمُ دَ أَبِنْ ڢَضٍ ثِكِنْمُ؞

← Chapter 1 Jump to: Chapter 3 →