1 Thessalonians 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to:

1تُواْ، یَنْعُوَ، غَمٜىٰدَ عَيْنِحِنْ لُواْكَثِ كُواْ رَانَرْ دَ وَطَنَّنْ أَبُبُوَ ذَاسُ ڢَرُ، بَ لَلَّيْ سَيْ أَنْرُبُوتَ مُكُبَ؞

2غَمَا كُو مَا كُنْ سَنِ سُواْسَيْ ثٜىٰوَ رَانَرْ عُبَنْ‌غِجِ ذَاتَ ذُواْ كَمَرْ ذُوَانْ ٻَرَوُاْ دَ دَرٜىٰ؞

3لُواْكَثِنْ دَ مُتَنٜىٰ سُكٜىٰثٜىٰوَ «مُنَ ذَمَنْ لَاڢِيَ دَ سَلَمَ» سَيْ كَوَيْ هَلَّكَ ذَاتَ أَوْكُواْ مُسُ، كَمَرْ يَدَّ ذَاڢِنْ حَيْڢُوَ يَكَنْ كَامَ مَثٜىٰ مَيْ ثِكِ، بَ كُوَ حَنْيَرْ ڟِيرَا؞

4عَمَّا، أَيْ، بَعَثِكِنْ دُهُ كُكٜىٰ بَ، یَنْعُوَ، حَرْ دَ رَانَرْ نَنْ ذَاتَ سَامٜىٰكُ كَمَرْ ذُوَانْ ٻَرَوُاْ؞

5غَمَا دُكَنْكُ، كُو یَیَنْ حَصْكٜىٰ نٜىٰ، یَیَنْ رَانَ كُمَ؞ مُو بَ نَدَرٜىٰ كُواْ دُهُ بَنٜىٰ؞

6سَبُواْدَ حَكَ كَدَ مُيِ بَرْثِ يَدَّ وَطَنْسُ سُكٜىٰيِ، سَيْدَيْ مُيِ ذَمَنْ ڟَرُواْ دَ شِرِ؞

7غَمَا وَطَنْدَ سُكٜىٰيِنْ بَرْثِ دَ دَرٜىٰ سُكٜىٰيِ، وَطَنْدَ سُكٜىٰ بُغُوَ كُمَ دَ دَرٜىٰ سُكٜىٰيِ؞

8عَمَّا تُنْدَ مُو نَرَانَنٜىٰ، سَيْ مُيِ ذَمَنْ ڟَرُواْ، مُسَا رِغَرْ ڧَرْڢٜىٰ تَبَنْ‌غَسْكِيَ دَ ڧَوْنَ دَ كُمَ هُولَرْ ݣُونُواْ تَسَا ذُوثِيَا غَ سَامُنْ ثٜىٰتُواْ؞

9اللَّهْ بَيْ ڧَدَّرَمُ غَ ڢُشِنْسَبَ، سَيْدَيْ غَ سَامُنْ ثٜىٰتُواْ تَوُرِنْ عُبَنْ‌غِجِنْمُ عِيسَىٰ أَلْمَسِيحُ ،

10وَنْدَ يَمُتُ سَبُواْدَمُو، دُواْمِنْ كُواْ مُنَدَ رَيْ، كُواْ مُنْيِ بَرْثِ، مُذَمَ مُنَ تَرٜىٰ دَشِ؞

11سَبُواْدَ حَكَ، سَيْ كُڧَرْڢَڢَ جُونَ، كُيِ تَغِنَ جُونَ، كَمَرْ دَيْ يَدَّ كُكٜىٰيِ يَنْذُ؞

12عَمَّا مُنَ ضُواْڧُوانْكُ، یَنْعُوَ، كُبَا مَاسُ ڢَامَ دَ عَيْكِ عَثِكِنْكُ غِرْمَ، وَتُواْ، شُوغَبَنِّنْكُ ثِكِنْ عُبَنْ‌غِجِ ، مَاسُ يِمُكُ غَرْغَطِے؞

13كُرِڧٜىٰسُ دَ مُتُنْثِ سُواْسَيْ ثِكِنْ ڧَوْنَ سَبُواْدَ عَيْكِنْسُ؞ كُيِ ذَمَنْ لَاڢِيَ دَ جُونَ؞

14مُنَ كُمَ ڧَرْڢَڢَاكُ، یَنْعُوَ، كُيِ وَمَاسُ ڧِوِيَنَّنْ ڢَطَ، كُڧَرْڢَڢَ وَطَنْدَ بَاسُدَ ڧَرْڢِنْ ذُوثِيَا، كُتَيْمَكِ مَرَسَ ڧَرْڢِے، كُيِ حَڧُرِ دَ كُواْوَ؞

15كُكُلَ ڢَا كَدَ كُواْوَ يَرَامَ مُغُنْتَادَ مُغُنْتَا، سَيْدَيْ كُلُّمْ كُيِ ڧُواْڧَرِنْ يِنْ أَبِنْ يَكٜىٰ نَغَرِ وَ جُونَنْكُ دَ كُمَ سَوْرَنْ مُتَنٜىٰ؞

16كُيِ تَڢَضٍ ثِكِ كُلُّمْ؞

17كُيِتَيِنْ أَدُّعَ بَابُ ڢَاسَوَ؞

18عَثِكِنْ كُواْوَنٜىٰ حَلِ كُغُواْدٜىٰ وَ اللَّهْ ، غَمَا وَنَّنْ شِينٜىٰ نُڢِنْ اللَّهْ ذُوَا غَرٜىٰكُ عَثِكِنْ أَلْمَسِيحُ عِيسَىٰ ؞

19كَدَ كُدَنّٜىٰ مَغَنَرْ رُوحُ مَيْ ڟَرْكِے ؞

20كَدَ كُرٜىٰنَ أَنَّبْثِ،

21سَيْدَيْ كُڠُودَ كُواْمٜىٰ، كُرِڧٜىٰ أَبِنْدَ يَكٜىٰدَ ݣَوْ؞

22كُغُجٜىٰ وَكُواْوَثٜىٰ إِرِنْ مُغُنْتَا؞

23بَرِ اللَّهْ دَ كَنْسَ، مَيْ سَلَمَ، يَڟَرْكَكٜىٰكُ غَبَاطَيَ، يَكُمَ كِيَايٜىٰ رُوحُنْكُ دَ رَنْكُ دَ جِكِنْكُ دُكَ مَرَرْ تَبُواْ حَرْ رَانَرْ دَاوُاْوَرْ عُبَنْ‌غِجِنْمُ عِيسَىٰ أَلْمَسِيحُ ؞

24شِے وَنْدَ يَكِرَاكُ مَيْ أَمِنْثِ نٜىٰ، ذَيْ كُوَ عَيْكَتَ؞

25یَنْعُوَ، كُيِ مَنَ أَدُّعَ؞

26كُغَيْ دَ دُكَنْ یَنْعُوَ دَ سُمْبَرْ ڧَوْنَ مَيْ ڟَرْكِے؞

27نَا ضُواْڧٜىٰكُ ثِكِنْ سُونَنْ عُبَنْ‌غِجِ ، كُكَرَنْتَ وَدُكَنْ یَنْعُوَ وَسِيڧَرْ نَنْ؞

28أَلْحٜىٰرِنْ عُبَنْ‌غِجِنْمُ عِيسَىٰ أَلْمَسِيحُ يَكَسَنْثٜىٰ تَرٜىٰدَكُو؞ أَمِينْ؞

← Chapter 4 Jump to: