1 Chronicles 12:23 — Compare Translations

Ilonggo (Ang Biblia (1982))

Amo ini ang kadamuon sang binilog sang mga nasangkapan sang hinganiban sa inaway, nga nag-abut kay David sa Hebron, sa pagsaylo sa iya sang ginharian ni Saul, sono sa polong sang Ginoo.

Ilonggo (Maayong Balita nga Biblia (2012))

Madamo nga batid nga mga soldado ang nag-upod sa hangaway ni David sa Hebron sa pagbulig sa iya nga manginhari sa pagbulos kay Saul suno sa ginsaad sang Ginoo. Amo ini ang ila kadamuon: Juda: 6,800 ka mga tawo nga nahanas sing maayo sa hinganiban nga may mga taming kag mga bangkaw; Simeon: 7,100 ka batid nga mga hangaway; Levi: 4,600 ka mga tawo; Ang mga sumolunod ni Joiada nga kaliwat ni Aaron: 3,700 ka mga tawo; Ang mga pariente ni Sadoc nga isa ka pamatan-on kag isganan nga soldado: baynte-dos ka mga pangulo; Benjamin, ang tribo ni Saul: 3,000 ka mga tawo, ang kalabanan sang mga tinawo sang tribo ni Benjamin nag-unong kay Saul; Efraim: 20,800 ka mga hangaway nga bantog sa ila kaugalingon nga kabarangayan; Manases sa Nakatundan: 18,000 ka mga tawo nga ginpili sa paglakat kag sa paghimo kay David nga hari; Isacar: 200 ka mga pangulo, upod sa ila mga tinawo sa idalom sang ila pagmando. Amo ini nga mga pangulo ang nakahibalo kon ano ang dapat himuon sang Israel kag kon ano ang labing maayo nga tion sa paghimo sini; Zabulon: 50,000 ka mga tawo nga mainunongon kag masaligan nga handa sa pagpakig-away, nga nahanas sa paggamit sang tanan nga sahi sang hinganiban. Neftali: 1,000 ka mga pangulo upod sang 37,000 ka tawo nga may mga taming kag mga bangkaw; Dan: 28,600 ka nahanas nga mga hangaway; Aser: 40,000 ka mga tawo nga handa sa pagpakig-away; Mga tribo sa sidlangan sang Jordan—Ruben, Gad, kag ang tribo ni Manases sa Sidlangan: 120,000 ka mga tawo nga nahanas sa paggamit sang tanan nga sahi sang hinganiban.

Ilonggo APD 2022 (Ang Pulong Sang Dios)

Amo ini ang kadamuon sang armado nga mga soldado nga nagkadto kay David didto sa Hebron sa pagbulig sa iya nga maagaw ang ginharian ni Saul, suno sa ginpromisa sang Ginoo: