1 Chronicles 13:2 — Compare Translations

Ilonggo (Ang Biblia (1982))

Kag si David nagsiling sa bug-os nga katilingban sang Israel, “Kon maayo sa inyo, kag kon ini gikan sa Ginoo nga aton Dios, magpadala kita sa luwas bisan diin sa aton mga utud nga nabilin sa duta sang Israel, nga ang mga sacerdote kag mga Levinhon nga yara sa ila mga banwa nga may mga halalban, nga magtilingub sila sa aton.

Ilonggo (Maayong Balita nga Biblia (2012))

Dayon nagpahibalo sia sa tanan nga mga tawo sang Israel nga nagtipon didto, “Kon luyag kamo kag kon amo ini ang kabubot-on sang Ginoo nga aton Dios, magpadala kita sing mga mensahero sa iban naton nga mga kasimanwa, kag sa mga pari kag mga Levita sa ila mga banwa, kag singganon sila sa pagtipon diri upod sa aton.

Ilonggo APD 2022 (Ang Pulong Sang Dios)

Dayon nagsiling siya sa bilog nga komunidad sang Israel, “Kon maayo para sa inyo kag kon kabubut-on sang Ginoo nga aton Dios, magpadala kita sang mensahi sa tanan ta nga kasimanwa sa bilog nga teritoryo sang Israel, pati sa mga pari kag mga Levita nga nagaestar kaupod nila sa ila mga banwa nga may mga palahalban. Pakadtuon ta sila diri sa pagbuylog sa aton.