1 Chronicles 6:49 — Compare Translations

Ilonggo (Ang Biblia (1982))

Apang si Aaron kag ang iya mga anak nga lalaki nagdolot sa ibabaw sang halaran sang halad-nga-sinonog kag sa ibabaw sang halaran sang incienso nga sa tanan nga buluhaton sang duug nga labi gid ka balaan, kag sa paghimo sing katumbasan tungud sa Israel, sono sa tanan nga ginsogo ni Moises nga alagad sang Dios.

Ilonggo (Maayong Balita nga Biblia (2012))

Si Aaron kag ang iya mga kaliwat nagdala sang mga dulot nga insyenso kag nagdulot sang mga halad nga ginsunog sa altar. Sila ang gintugyanan sang tanan nga pagsimba sa Labing Balaan nga Duog kag sang mga halad nga paagi sini ang Dios nagapatawad sang mga sala sang Israel. Ginhimo nila ini tanan suno sa mga sugo nga ginhatag ni Moises, ang alagad sang Dios.

Ilonggo APD 2022 (Ang Pulong Sang Dios)

Pero si Aaron kag ang iya mga kaliwat amo lang ang ginhimo nga mga pari. Sila ang nagahalad sa halaran sang halad nga ginasunog kag sa halaran nga sulunugan sang insenso. Kag sila man ang nagahimo sang iban pa nga buluhaton nga may kaangtanan sa Labing Balaan nga Lugar. Nagahalad sila para matubos ang mga Israelinhon sa ila mga sala. Ginahimo nila ini suno sa tanan nga ginsugo ni Moises nga alagad sang Dios.