1 Corinthians 5:7 — Compare Translations

Ilonggo (Ang Biblia (1982))

Panghugas kamo gikan sa daan nga tapay agud nga manginbag-o kamo nga linamas, subong nga wala kamo sing tapay. Kay ang aton pascua nga cordero, si Cristo, nahalad na.

Ilonggo (Maayong Balita nga Biblia (2012))

Dapat ninyo kuhaon sa inyo kaugalingon ang daan nga lebadora sang sala, agod nga manginputli kamo sing bug-os. Dayon manginkaangay kamo sang bag-o nga minasa nga harina nga wala sing lebadora, kay akon nahibaluan nga sa pagkamatuod, amo gid man kamo. Ang aton panihapon sa Pascua nahanda na, kay si Cristo mismo, ang aton kordero para sa Pascua nahalad na.

Ilonggo APD 2022 (Ang Pulong Sang Dios)

Gani kuhaa ninyo ang inyo daan nga mga sala nga pareho sa inugpahabok, para mangin matinlo kag bag-o kamo. Ang matuod, hilway na kamo sa sining daan nga inugpahabok, kay si Cristo ginhalad na para sa aton. Pareho siya sa karnero nga ginahalad kon Piesta sang Paglabay sang Anghel.