1 Corinthians 8:1 — Compare Translations

Ilonggo (Ang Biblia (1982))

Karon nahanungud sa mga kalan-on nga nahalad sa mga diosdios: nakahibalo kita nga “kita tanan may pagkilala.” “Ang pagkilala” nagapahabok, apang ang gugma nagapalig-on.

Ilonggo (Maayong Balita nga Biblia (2012))

Karon, amo ini ang akon masiling sa inyo ginsulat nahanungod sa mga kalan-on nga nahalad sa mga diosdios. Matuod nga “tanan kita may ihibalo” suno sa ginasiling. Ugaling ini nga ihibalo nagahimo sa tawo nga bugalon, pero ang gugma nagapabakod.

Ilonggo APD 2022 (Ang Pulong Sang Dios)

Karon, ang parte naman sa mga pagkaon nga ginhalad sa mga dios-dios, kon bala makakaon kita sini ukon indi: bisan masiling ta nga madamo na ang aton nahibaluan, dumdumon naton nga ang nahibaluan sang tawo kon kaisa amo ang ginahalinan sang pagpabugal. Mas importante nga may paghigugma kita, kay ini makapabakod sa iban.