1 Corinthians 9:12 — Compare Translations

Ilonggo (Ang Biblia (1982))

Kon ang iban nagaambit sining kinamatarung sa inyo, indi bala kami labi pa? Walay sapayan, wala namon paggamita ining kinamatarung, kondi ginabatas namon ang tanan nga butang agud nga indi kami magsablag sang maayong balita ni Cristo.

Ilonggo (Maayong Balita nga Biblia (2012))

Kon ang iban may kinamatarong sa pagpaabot sini sa inyo, indi bala nga kami may mas labaw pa nga kinamatarong? Pero wala kami maghimulos sini nga kinamatarong. Sa baylo, ginbatas namon ang tanan, agod indi namon masablagan ang pagwali sang Maayong Balita nahanungod kay Cristo.

Ilonggo APD 2022 (Ang Pulong Sang Dios)

Kon ang iban nga mga manunudlo may kinamatarong sa pagpaabot sini halin sa inyo, mas labi na gid kami. Pero bisan may kinamatarong kami sa pagpaabot sang bulig halin sa inyo, wala kami nagpangayo sa inyo. Gin-antos namon ang tanan para indi masablagan ang paglapnag sang Maayong Balita parte kay Cristo.