1 Corinthians 9:20 — Compare Translations

Ilonggo (Ang Biblia (1982))

Sa mga Judio nanginsubong ako sang Judio, agud nga madaug ko ang mga Judio; sa mga sa idalum sang kasogoan nanginsubong ako nga sa idalum sang kasogoan—bisan indi ako sa idalum sang kasogoan—agud nga madaug ko ang mga sa idalum sang kasogoan.

Ilonggo (Maayong Balita nga Biblia (2012))

Kon nagapangabudlay ako kaupod sa mga Judio, nagagawi ako subong isa ka Judio, agod madala ko sila sa Ginoo. Kag bisan nga ako akon wala masakop sang Kasugoan ni Moises, sa akon pagpangabudlay sa ila nga nasakop sang Kasugoan, nagagawi ako subong sa ila, agod madala ko sila sa Ginoo.

Ilonggo APD 2022 (Ang Pulong Sang Dios)

Amo ina nga kon kaupod ko ang mga Judio nagakabuhi ako pareho sang Judio, para madala ko sila nga magtuo kay Cristo. Gani bisan indi ako sakop sa Kasuguan sang mga Judio, ginasunod ko ini, para madala ko sila sa aton pagtuo.