1 Kings 11:24 — Compare Translations

Ilonggo (Ang Biblia (1982))

Kag nagtipon sia sing mga tawo sa iya kag nanginpangolo sa isa ka kabon, sang pagpamatay ni David sa ila sa Zoba; kag nagkadto sila sa Damasco, kag nagpuyo didto, kag naghari sa Damasco.

Ilonggo (Maayong Balita nga Biblia (2012))

kag nanginpangulo sia sang grupo sang mga rebelde. Natabo ini sa tapos malutos ni David si Hadadezer kag mapamatay niya ang mga kadampig ni Hadadezer nga Sirianhon. Si Rezon kag ang iya mga tinawo naglakat kag nag-estar sa Damasco sa diin ginhimo sia sang iya mga tinawo nga hari sang Siria.

Ilonggo APD 2022 (Ang Pulong Sang Dios)

kag nangin pangulo siya sang mga rebelde nga iya gintipon. Sang mapierdi ni David ang mga soldado ni Hadadezer, nagkadto si Rezon kag ang iya mga tinawo sa Damascus. Ginsakop nila ini nga lugar kag didto sila nag-estar.