1 Kings 14:21 — Compare Translations

Ilonggo (Ang Biblia (1982))

Karon si Roboam nga anak ni Salomon naghari sa Juda. Si Roboam kap-atan kag isa ka tuig sang nagsugud sia sa paghari, kag naghari sia sing napulog pito ka tuig sa Jerusalem, ang banwa nga ginpili sang Ginoo gikan sa tanan nga kabikahan sang Israel, sa pagbutang didto sang iya ngalan. Ang ngalan sang iya iloy si Naama nga Amonhon.

Ilonggo (Maayong Balita nga Biblia (2012))

Si Rehoboam nga anak nga lalaki ni Solomon nagaedad sing kwarentay uno ka tuig sang paghari niya sa Juda, kag naggahom sia sing desi-siete ka tuig sa Jerusalem, ang siudad nga ginpili sang Ginoo gikan sa tanan nga mga kadutaan sang Israel subong lugar sa diin sia pagasimbahon. Ang iloy ni Rehoboam amo si Naama nga taga-Amon.

Ilonggo APD 2022 (Ang Pulong Sang Dios)

Si Rehoboam nga anak ni Solomon amo ang hari sa Juda. Nagaedad siya sing 41 ka tuig sang nangin hari siya. Kag naghari siya sa sulod sang 17 ka tuig sa Jerusalem, ang siyudad nga ginpili sang Ginoo sa tanan nga tribo sang Israel, nga sa diin padunggan siya. Ang iloy ni Rehoboam amo si Naama nga Ammonhon.