1 Kings 2:31 — Compare Translations

Ilonggo (Ang Biblia (1982))

Ang hari nagsiling sa iya, “Himoa sono sa iya ginsiling, damhagi sia kag ilubung sia; agud nga makuha mo ang dugo nga ginpaagay ni Joab sa wala sing kabangdanan gikan sa akon kag gikan sa panimalay sang akon amay.

Ilonggo (Maayong Balita nga Biblia (2012))

Si Solomon nagsabat, “Himua ang ginasiling ni Joab. Patya sia kag ilubong. Dayon ako kag ang kaliwatan sang akon amay indi magpanabat sang ginhimo ni Joab sang ginpamatay niya ang wala sala nga mga tawo.

Ilonggo APD 2022 (Ang Pulong Sang Dios)

Nagsiling si Solomon kay Benaya, “Himua ang iya ginsiling. Patya siya didto sa tolda kag ilubong, para ako kag ang panimalay sang akon amay indi manabat sa pagpatay niya kay Abner nga anak ni Ner, nga kumander sang mga soldado sang Israel, kag kay Amasa nga anak ni Jeter, nga kumander sang mga soldado sang Juda. Ginpatay niya ining inosente nga mga tawo nga wala nakahibalo ang akon amay. Mas matarong kag maayo pa sila sang sa iya. Karon balusan siya sang Ginoo sa iya ginhimo sa ila.