1 Kings 20:31 — Compare Translations

Ilonggo (Ang Biblia (1982))

Kag ang iya mga alagad nagsiling sa iya, “Yari karon, nakabati kami nga ang mga hari sang balay sang Israel maloloy-on nga mga hari; magtampion kita sing mga panapton nga sako sa aton mga balikawang kag mga lubid sa aton mga olo, kag magkadto sa hari sang Israel; ayhan luwason niya ang imo kabuhi.”

Ilonggo (Maayong Balita nga Biblia (2012))

Ang iya mga opisyales nagkadto sa iya kag nagsiling, “Nakabati kami nga ang mga hari nga Israelinhon maluloy-on. Tugoti kami sa pagkadto sa hari sang Israel. Magatampi kami sing mga sako kag maburambod sing mga lubid sa amon mga liog, kag ayhan indi niya ikaw pagpatyon.”

Ilonggo APD 2022 (Ang Pulong Sang Dios)

Nagsiling ang iya mga opisyal sa iya, “Nabatian namon nga maluluy-on kuno ang mga hari sang Israel. Gani makadto kami sa hari sang Israel kag magpaubos paagi sa pagtampi sang sako kag pagburambod sang lubid sa amon mga ulo. Basi pa lang indi ka niya pagpatyon.”