1 Kings 7:24 — Compare Translations

Ilonggo (Ang Biblia (1982))

Sa ubus sang iya bibig palibut may mga kolod sa palibut, nga napulo ka maniko, nga nagasapul sa dagat palibut; ang mga kolod duha ka kubay, nga ginbasya upud sang pagbasya sini.

Ilonggo (Maayong Balita nga Biblia (2012))

Sa bug-os nga palibot sang nagwa nga bibig sang tangke may duha ka kubay sang mga kulod nga bronsi nga gintunaw kag unay sa tangke.

Ilonggo APD 2022 (Ang Pulong Sang Dios)

Napalibutan ini sang duha ka raya sang dekorasyon sa ubos lang sang baba sini. Ini nga dekorasyon daw sa mga nagagapa nga tanom, kag may ara sang anom sini sa kada 1 foot palibot, kag naporma na ini nga daan upod sa suludlan sang pagkahimo sini.