1 Samuel 14:27 — Compare Translations

Ilonggo (Ang Biblia (1982))

Apang si Jonatan wala makabati sang pagpasumpa sang iya amay sang katawohan; busa ginbayaw niya ang ukbung sang iya bilogon nga yara sa iya kamut, kag gintusmog ini sa suludlan sang dugus, kag ginbutang ang iya kamut sa iya baba; kag ang iya mga mata nagsanag.

Ilonggo (Maayong Balita nga Biblia (2012))

Pero si Jonatan wala makabati sang paandam nga may pagpakamalaut sang iya amay sa mga tawo, gani ginbayaw niya ang sungkod nga iya ginadala, gintuslok ini sa balayan sang dugos, kag nagkaon sini. Sa gilayon nag-ayo ang iya pamatyag.

Ilonggo APD 2022 (Ang Pulong Sang Dios)

Pero wala makabati si Jonatan sa ginsumpa sang iya amay nga dapat tumanon sang mga tawo. Gani gintum-oy niya ang punta sang iya baston sa honey kag nagkaon siya, kag nag-ayo ang iya pamatyag.