1 Samuel 14:34 — Compare Translations

Ilonggo (Ang Biblia (1982))

Kag si Saul nagsiling, “Pag-alaplaag kamo sa katawohan, kag isiling sa ila, ‘Dalhan ako diri sang tagsa ka tawo sang iya baka nga lalaki kag sang tagsa ka tawo sang iya carnero, kag ihawon sila diri, kag kaonon; kag dili kamo magpakasala sa Ginoo sa pagkaon sang dugo.’” Gani nagdala ang tagsa ka tawo sang iya baka sadto nga gab-i, kag gin-ihaw sila didto.

Ilonggo (Maayong Balita nga Biblia (2012))

Dayon nagmando sia, “Kadto kamo sa mga tawo kag singgani sila tanan nga dalhon nila ang ila mga baka kag mga karnero diri. Ihawon nila ini kag kaunon diri, kag indi magpakasala batok sa Ginoo paagi sa pagkaon sang karne nga may dugo pa.” Gani sa sadto nga gab-i gindala nila tanan ang ila mga baka kag gin-ihaw didto.

Ilonggo APD 2022 (Ang Pulong Sang Dios)

Dayon magkadto kamo sa mga tawo kag silinga sila tanan nga magdala sang mga baka, karnero, kag kanding, kag ihawon nila diri kag kan-on. Silinga man sila nga indi sila magpakasala sa Ginoo paagi sa pagkaon sang karne nga may dugo pa.” Gani sadto nga gab-i nagdala ang kada isa sang iya baka kay Saul kag gin-ihaw didto.