1 Samuel 14:6 — Compare Translations

Ilonggo (Ang Biblia (1982))

Busa si Jonatan nagsiling sa pamatan-on nga nagdala sang iya hinganib, “Kari ka, makadto kita sa pamakud sini nga mga dicircuncidado; ayhan ang Ginoo magahikot tungud sa aton; kay wala sing makasablag sa Ginoo sa pagluwas paagi sa madamu ukon paagi sa diotay.”

Ilonggo (Maayong Balita nga Biblia (2012))

Nagsiling si Jonatan sa pamatan-on nga lalaki, “Dali sudlon naton ang kampo sining mga di-diosnon nga mga Filistinhon. Ayhan ang Ginoo magabulig sa aton; kon sia magbulig, wala sing makapugong sa iya sa pagpadaog sa aton, bisan diutay lamang kita.”

Ilonggo APD 2022 (Ang Pulong Sang Dios)

Nagsiling si Jonatan sa manugdala sang iya armas, “Dali, kadtuan ta ang balantayan sang mga tawo nga wala nagatuo sa Dios. Basi pa lang buligan kita sang Ginoo, kay wala sing may makapugong sa iya sa pagpadaog sa aton, bisan madamo man kita ukon diutay lang.”