1 Samuel 17:20 — Compare Translations

Ilonggo (Ang Biblia (1982))

Kag si David nagbangon sing aga pa, kag nagbilin sang mga carnero sa isa ka manugbantay, kag nagkuha sing balon kag naglakat, sono sa nasogo sa iya ni Jesse; kag nag-abut sia sa duug sang mga karo sang nagagowa ang kasoldadosan sa pag-away nga nagasinggit tungud sa inaway.

Ilonggo (Maayong Balita nga Biblia (2012))

Sang madason nga adlaw aga pa gid nagbangon si David, ginbilin niya ang mga karnero sa isa ka manugbantay, gindala niya ang pagkaon kag naglakat suno sa ginsiling sa iya ni Jesse. Sang pag-abot niya sa kampo nagapagwa gid ang mga Israelinhon sa pagpakig-away nga nagasinggit.

Ilonggo APD 2022 (Ang Pulong Sang Dios)

Gani sang sunod nga adlaw, aga pa gid nagbangon si David kag nagpreparar sang pagkaon nga iya dalal-on. Ginbilin niya ang mga karnero sa isa ka manugbantay, kag dayon naglakat siya suno sa ginsiling sang iya amay. Sang pag-abot niya sa kampo sang mga Israelinhon, nagapaguwa gid ang mga soldado nga nagasinggit sa pagpakig-away.