1 Samuel 18:17 — Compare Translations

Ilonggo (Ang Biblia (1982))

Niyan si Saul nagsiling kay David, “Yari ang akon anak nga babayi nga magulang nga si Merab; ipaasawa ko sia sa imo; lamang mag-isganan ka tungud sa akon kag mag-away sang mga inaway sang Ginoo.” Kay si Saul nagsiling, “Indi magtupa sa iya ang akon kamut, kondi ang kamut sang mga Filistinhon magtupa sa iya.”

Ilonggo (Maayong Balita nga Biblia (2012))

Karon si Saul nagsiling kay David, “Yari ang akon magulang nga anak nga babayi nga si Merab. Ipaasawa ko sia sa imo, sa kondisyon nga mag-alagad ka sa akon subong isganan kag mainunongon nga soldado, kag mag-away sang mga inaway sang Ginoo.” Kay si Saul naghunahuna nga sa sini nga paagi ang mga Filistinhon magapatay kay David, kag indi na sia kinahanglan magpangamot sini.

Ilonggo APD 2022 (Ang Pulong Sang Dios)

Karon nagsiling si Saul kay David, “Handa ako nga ipaasawa sa imo ang akon kamagulangan nga anak nga si Merab sa kondisyon nga ipakita mo sa akon ang imo kaisog sa pagpakig-away para sa Ginoo.” Sa hunahuna ni Saul nga sa sini nga paagi mapatay si David sang mga Filistinhon, kag indi na kinahanglan nga siya pa ang magpatay sa iya.