1 Samuel 8:12 — Compare Translations

Ilonggo (Ang Biblia (1982))

kag itangdo niya sila nga mga pangolo sang linibo kag mga pangolo sang kinalim-an, kag ibutang niya ang iban sa pag-arado sa iya duta kag sa pag-ani sang iya alanyon, kag sa paghimo sang iya mga gamit sa inaway kag sa mga gamit sang iya mga kangga.

Ilonggo (Maayong Balita nga Biblia (2012))

Himuon niya ang iban sa ila nga mga opisyales nga magadumala sang 1,000 ka mga hangaway, kag ang iban singkwenta ka mga hangaway. Ang inyo mga anak nga lalaki magaarado sang iya mga uma, magaani sang iya mga patubas, kag magahimo sang iya mga armas kag mga gamit para sa iya mga karwahi.

Ilonggo APD 2022 (Ang Pulong Sang Dios)

Ang iban sa ila himuon niya nga mga opisyal nga magadumala sa 1,000 ka soldado, kag ang iban sa 50 ka soldado. Ang iban paaraduhon niya sa iya uma kag paanihon sa iya patubas, kag ang iban pa gid pahimuon niya sang mga armas sa inaway kag mga kagamitan para sa iya mga karwahe.