2 Chronicles 13:15 — Compare Translations

Ilonggo (Ang Biblia (1982))

Niyan ang mga tawo sang Juda nagsinggit. Kag sang pagsinggit sang mga tawo sang Juda, ang Dios nagsakit kay Jeroboam kag sang bug-os nga Israel sa atubangan ni Abias kag sang Juda.

Ilonggo (Maayong Balita nga Biblia (2012))

Ang mga taga-Juda nagsinggit kag ginpangulohan sila ni Abias sa pagsalakay. Ang Dios naglutos kay Jeroboam kag sang mga hangaway sang Israel.

Ilonggo APD 2022 (Ang Pulong Sang Dios)

kag nagsinggit sing tudo ang mga taga-Juda sa pagsalakay. Sa ila pagsinggit, ginpierdi sang Dios si Jeroboam kag ang mga soldado sang Israel. Ginlagas sila ni Abia kag sang mga soldado sang Juda.