2 Chronicles 16:14 — Compare Translations

Ilonggo (Ang Biblia (1982))

Ginlubung nila sia sa iya kaugalingon nga mga lulubngan nga ginpakutkut niya nga sa iya kaugalingon sa banwa ni David. Ginpahamtang nila sia sa higdaan nga ginpuno sing mga pahumut nga maamyon kag sarisari nga bagay sang mga pahumut nga gin-aman sa padugi sang mga manugpahumut; kag naghimo sila tungud sa iya sing tama gid kadaku nga sonog.

Ilonggo (Maayong Balita nga Biblia (2012))

kag ginlubong sa lulobngan nga bato nga ginpahimo niya para sa iya kaugalingon sa Siudad ni David. Gingamit nila ang mga pahamot kag mga lana sa pag-aman sang iya bangkay sa paglubong, kag nagdabok sila sang daku nga kalayo sa paglalaw sa iya kamatayon.

Ilonggo APD 2022 (Ang Pulong Sang Dios)

Ginlubong siya sa lulubngan nga iya ginpahimo para sa iya kaugalingon didto sa Banwa ni David. Ginhamyang nila siya sa isa ka hiligdaan nga may nagkalain-lain nga pahamot, kag nagdabok ang mga tawo sang dako gid nga kalayo sa pagpadungog sa iya.