2 Chronicles 22:9 — Compare Translations

Ilonggo (Ang Biblia (1982))

Ginpangita niya si Ocozias, kag gindakup nila sia sang sia nagapanago sa Samaria, kag gindala nila sia kay Jehu kag ginpatay sia. Ginlubung nila sia, kay nagsiling sila, “Anak sia ni Josafat, nga nagpangita sa Ginoo sa bug-os niyang tagiposoon.” Kag ang panimalay ni Ocozias wala sing gahum sa pagdumala sang ginharian.

Ilonggo (Maayong Balita nga Biblia (2012))

Ginpangita nila si Ocozias kag nakita nila sia nga nagapanago sa Samaria. Gindala nila sia kay Jehu, kag ginpatay sia. Pero ginlubong nila ang iya bangkay tungod sang ila pagtahod sa iya lolo nga si Haring Josafat, nga naghimo sang iya masarangan sa pag-alagad sa Ginoo. Wala sing nabilin sa katapo sang panimalay ni Ocozias nga makagahom sa ginharian.

Ilonggo APD 2022 (Ang Pulong Sang Dios)

Dayon ginpapangita ni Jehu sa iya mga tinawo si Ahazia, kag nakita nila siya nga nagapanago sa Samaria. Gindala nila siya kay Jehu kag ginpatay. Pero ginlubong nila ang iya bangkay tungod sang ila pagtahod sa iya lolo nga si Jehoshafat, kay siling nila, “Apo siya ni Jehoshafat, ang tawo nga nagdangop sa Ginoo sa bug-os niya nga tagipusuon.” Karon wala gid sing bisan isa sa mga nabilin nga miyembro sang pamilya ni Ahazia nga makasarang maghari.