2 Chronicles 24:11 — Compare Translations

Ilonggo (Ang Biblia (1982))

Kag sa bisan anong tion gindala ang kaban sa mga manugdumala sang hari paagi sa kamut sang mga Levinhon, kon makita nila nga may madamu nga cuarta, ang escriba sang hari kag ang manugdumala sang puno nga sacerdote nag-abut kag naghuwad sang kaban kag nagkuha sini kag nag-uli sini sa iya duug. Amo ini ang ginhimo nila adlawadlaw, kag nagtipon sing bugana nga cuarta.

Ilonggo (Maayong Balita nga Biblia (2012))

Kada adlaw ang mga Levita nagadala sang kahon sa opisyal sang hari nga amo ang ginatugyanan sini. Kon mapuno na gani ini, ang sekretaryo sa palasyo kag ang ginatugyanan sang Pinakamataas nga Pari nagkadto, kag magkuha sang kwarta, kag dayon ibalik ang kahon sa iya nga lugar. Sa sini nga paagi, nakatipon sila sang madamo nga kwarta.

Ilonggo APD 2022 (Ang Pulong Sang Dios)

Kon puno na gani ang kahon, ginadala ini sang mga Levita sa mga opisyal sang hari. Dayon ginaisip ini sang sekretaryo sang hari kag sang opisyal sang pangulo nga pari, kag pagkatapos ginabalik nila liwat ang kahon didto sa puwertahan sang templo. Amo ini ang ila ginahimo kada adlaw hasta nga nagdamo ang koleksyon.