2 Chronicles 24:14 — Compare Translations

Ilonggo (Ang Biblia (1982))

Kag sang nahuman nila, gindala nila ang nabilin sang cuarta sa hari kag kay Joiada, nga sa sini ginhimo ang mga gamit nga sa balay sang Ginoo, sa pag-alagad kag sa pagdolot, kag mga kutsara, kag mga gamit nga bulawan kag pilak. Kag nagdolot sila sing mga halad-nga-sinonog sing dalayon sa balay sang Ginoo sa tanan nga adlaw ni Joiada.

Ilonggo (Maayong Balita nga Biblia (2012))

Sang matapos ang pagpakaayo sang Templo, ang sobra sang bulawan kag sang pilak ginhatag sa hari kag sa kay Joiada kag gingamit nila ini sa paghimo sing mga yahong kag sang iban nga mga galamiton para sa Templo. Samtang nagakabuhi pa si Joiada, ang mga halad ginadulot sa Templo pirme.

Ilonggo APD 2022 (Ang Pulong Sang Dios)

Pagkatapos sang obra, gin-uli nila sa hari kag kay Jehoyada ang sobra nga kuwarta. Kag gin-gamit ini sa pagpahimo sang mga kagamitan sa templo sang Ginoo —ang mga ginagamit sa pagsimba, sa paghalad sang mga halad nga ginasunog, pati na ang mga yahong kag mga suludlan nga bulawan kag pilak. Kag samtang buhi si Jehoyada, padayon ang paghalad sang mga halad nga ginasunog sa templo sang Ginoo.