2 Chronicles 29:18 — Compare Translations

Ilonggo (Ang Biblia (1982))

Niyan nagsulud sila kay Ezequias nga hari sa sulud sang palacio, kag nagsiling, “Natinloan na namon ang bug-os nga balay sang Ginoo, ang halaran sang halad-nga-sinonog pati ang tanan niyang gamit, kag ang latok sang tinapay nga pahayag pati ang tanan niyang gamit.

Ilonggo (Maayong Balita nga Biblia (2012))

Ang mga Levita nagsugid sa kay Haring Ezequias sining masunod: “Natapos na namon ang mga tulomanon sa pagpakabalaan sang bug-os nga Templo, lakip ang altar para sa mga halad nga sinunog kag ang tanan nga mga gamit sini, kag ang lamisa para sa balaan nga tinapay kag ang tanan nga mga gamit sini.

Ilonggo APD 2022 (Ang Pulong Sang Dios)

Pagkatapos nagkadto sila kay Haring Hezekia kag nagsiling, “Natinluan na namon ang bilog nga templo sang Ginoo pati ang halaran sang halad nga ginasunog kag ang tanan nga kagamitan sini, kag ang lamisa nga ginabutangan sang tinapay nga ginahalad sa presensya sang Dios kag ang tanan man nga kagamitan sini.