2 Corinthians 12:14 — Compare Translations

Ilonggo (Ang Biblia (1982))

Yari karon ikatlo na ini nga handa ako sa pagkara sa inyo. Kag indi ako manginlulan sa inyo, kay wala ko ginapangita ang inyo pilak kondi ang inyo mga kaugalingon; kay ang mga anak indi dapat magtipon tungud sa mga ginikanan, kondi ang mga ginikanan tungud sa mga anak.

Ilonggo (Maayong Balita nga Biblia (2012))

Ikatlo na ini nga tion nga handa ako sa pagbisita sa inyo, kag indi ako magpabudlay sa inyo. Kamo ang akon kinahanglan kag indi ang inyo kwarta. Kay kon hambalon na gid man, ang mga kabataan indi amo ang dapat magsakdag sang ila mga ginikanan, kundi ang ginikanan amo ang dapat magsakdag sang ila mga kabataan.

Ilonggo APD 2022 (Ang Pulong Sang Dios)

Karon preparado na ako nga magkadto dira sa inyo kag ini mangin ikatlo na ka beses. Indi gihapon ako magpangayo sang bulig sa inyo, tungod kay indi man ang inyo pagkabutang ang akon ginapangita kundi kamo mismo. Kay daw mga bata ko kamo, kag indi bala nga ang mga bata indi kinahanglan nga magsuporta para sa ila mga ginikanan kundi ang mga ginikanan amo ang magsuporta para sa ila mga bata?