2 Kings 18:26 — Compare Translations

Ilonggo (Ang Biblia (1982))

Niyan nagsiling si Eliaquim nga anak ni Helcias, kag si Sebna, kag si Joa, kay Rabsaces, “Ginaampo ko sa imo, pamolong ka sa imo mga alagad sa hambal nga Sirianhon, kay kami nakahangup sini; dili ka magpamolong sa amon sa hambal nga Jinudio sa mga idulungug sang katawohan nga yara sa ibabaw sang kuta.”

Ilonggo (Maayong Balita nga Biblia (2012))

Dayon si Eliaquim, si Sebna, kag si Joa nagsiling sa opisyal, “Sir, hambal ka sa amon sa Aramico. Mahangpan namon ina. Indi ka maghambal sing Hebreo. Ang tanan nga mga tawo sa ibabaw sang pader nagapamati.”

Ilonggo APD 2022 (Ang Pulong Sang Dios)

Nagsiling si Eliakim, Shebna, kag Joa sa kumander, “Palihog maghambal ka sa amon sa lingguahe nga Aramico, kay naintiendihan namon ini. Indi ka maghambal sa Hebreo kay mabatian ka sang mga tawo nga ara sa mga pader sang siyudad.”