2 Kings 19:23 — Compare Translations

Ilonggo (Ang Biblia (1982))

Paagi sa imo mga manugbalita ginbatoan mo ang Ginoo, kag ikaw nagsiling, ‘Upud sa kadam-an sang akon mga kangga nagtaklad ako sa putokputokan sang mga bukid, sa nasulud gid nga mga bahin sang Libano; pudlon ko ang mataas nga mga cedro sini, ang pinili nga abeto nga mga kahoy sini; sudlon ko ang labi kalayo gid nga puluy-an niya, ang kagulangan sang iya mabungahon nga katamnan.

Ilonggo (Maayong Balita nga Biblia (2012))

Ginpadala mo ang imo mga opisyales sa pagpabugal sa akon, nga upod sa imo tanan nga mga karwahi, gintaklad mo ang pinakamataas nga bukid, bisan pa ang putokputokan sang kabukiran sang Libano. Nagpabugal ka nga ginpulod mo didto ang pinakamataas nga mga kahoy nga sedro, ang labing maayo nga mga kahoy nga sipre, kag nalambot mo ang pinakamalayo nga bahin sang mga kagulangan.

Ilonggo APD 2022 (Ang Pulong Sang Dios)

Paagi sa imo mga tinawo, ginyaguta mo ako. Nagsiling ka pa, “Paagi sa akon madamo nga karwahe nasaka ko ang mataas nga mga bukid, ang putokputokan sang mga bukid sang Lebanon. Ginpangtapas ko ang iya pinakamataas nga sedro kag pinakamaayo nga sipres. Nakaabot ako sa putokputokan sini nga may madabong nga kakahuyan.