2 Kings 23:4 — Compare Translations

Ilonggo (Ang Biblia (1982))

Kag nagsogo ang hari kay Helcias, nga pinakamataas nga sacerdote, kag sa mga sacerdote nga sa ikaduha nga pasonod, kag sa mga manugbantay sang atangan, sa pagpagowa gikan sa templo sang Ginoo sang tanan nga gamit nga ginhimo tungud kay Baal, nga sa Ashera, kag sa bug-os nga kasoldadosan sang langit; ginsonog niya sila sa gowa sang Jerusalem sa mga latagon sang Cedron, kag gindala ang mga abo nila sa Bet-el.

Ilonggo (Maayong Balita nga Biblia (2012))

Dayon si Josias nagmando kay Helkias nga Pinakamataas nga Pari, sa iya kabulig nga mga pari, kag sa mga gwardya nga nagabantay sa pwerta sang Templo sa pagpagwa sa Templo sang tanan nga mga butang nga ginagamit sa pagsimba kay Baal, sa diosa nga si Asera, kag sa mga bituon. Ang hari nagsunog sini tanan nga mga butang sa gwa sang siudad malapit sa Kapatagan sang Kidron, kag dayon gindala ang mga abo sini sa Betel.

Ilonggo APD 2022 (Ang Pulong Sang Dios)

Dayon ginsugo ni Haring Josia si Hilkia nga pangulo nga pari, ang mga pari nga sunod sa rangko ni Hilkia, kag ang mga pari nga nagabantay sa puwertahan sang templo, sa pagkuha sa templo sang Ginoo sang tanan nga kagamitan nga ginagamit sa pagsimba kay Baal, kay Ashera, kag sa tanan nga butang sa kalangitan. Ginpasunog niya ini sa guwa sang Jerusalem, sa uma sang Kidron, kag gindala dayon ang abo sa Betel.