2 Kings 23:5 — Compare Translations

Ilonggo (Ang Biblia (1982))

Kag ginpahalin niya ang mga sacerdote nga diwatahan nga gintakdungan sang mga hari sang Juda sa pagsonog sing incienso sa mataas nga mga duug sa kabanwaanan sang Juda kag sa mga duug palibut sa Jerusalem; sila man nga nagsonog sing incienso kay Baal, sa adlaw, kag sa bulan, kag sa mga planeta, kag sa bug-os nga kasoldadosan sang langit.

Ilonggo (Maayong Balita nga Biblia (2012))

Ginpahalin niya sa palangakuan ang mga pari nga gintugyanan sang mga hari sang Juda sa pagdulot sang mga halad sa altar sang mga diosdios sa mga siudad sang Juda kag sa mga lugar malapit sa Jerusalem—ang tanan nga mga pari nga nagdulot sang mga halad kay Baal, sa adlaw, sa bulan, sa mga planeta, kag sa mga bituon.

Ilonggo APD 2022 (Ang Pulong Sang Dios)

Ginpahalin niya sa ila katungdanan ang mga pari nga nagaalagad sa mga dios-dios. Ini nga mga pari gintugyanan sang mga hari sang Juda sa pagsunog sang mga insenso sa mga simbahan sa mataas nga mga lugar didto sa mga banwa sang Juda kag sa palibot sang Jerusalem. Nagsunog sila sang mga insenso kay Baal kag sa adlaw, bulan, mga bituon, kag sa iban pa nga mga butang sa kalangitan.