2 Samuel 19:24 — Compare Translations

Ilonggo (Ang Biblia (1982))

Kag si Mefiboset nga anak ni Saul nagdulhog sa pagsugata sang hari; wala sia makatinlo sang iya mga tiil, ukon makabanhay sang iya bungut, ukon makabunak sang iya mga panapton, kutub sang adlaw nga nagtaliwan ang hari tubtub sang adlaw nga nagpauli sia sa paghidait.

Ilonggo (Maayong Balita nga Biblia (2012))

Dayon si Mefiboset nga apo ni Saul, nagdulhog sa pagsugat sa hari. Wala sia makapanghinaw sang iya mga tiil, wala sia makapamarbas, kag wala makapanglaba sang iya bayu halin sang tion nga naghalin ang hari sa Jerusalem kag makabalik nga madinalag-on.

Ilonggo APD 2022 (Ang Pulong Sang Dios)

Nagkadto man didto si Mefiboshet nga apo ni Saul sa pagsugata kay David. Halin siya sa Jerusalem. Wala siya makapanghinaw sang iya tiil, wala makapamarbas, kag wala man makailis sang iya bayo halin sang naghalin si David sa Jerusalem hasta nga nakabalik siya nga wala maano. Sang pag-abot niya didto, ginpamangkot siya ni David, “Mefiboshet, ngaa wala ka mag-upod sa akon?”