2 Samuel 20:10 — Compare Translations

Ilonggo (Ang Biblia (1982))

Apang si Amasa wala magsapak sang espada nga yara sa kamut ni Joab; gani ginlabo sia ni Joab sini sa lawas, kag nagwagay ang iya mga kasudlan sa duta, kag wala na sia paglab-a liwat; kag napatay si Amasa. Niyan si Joab kag ang iya utud nga si Abisai naglagas kay Seba nga anak ni Bicri.

Ilonggo (Maayong Balita nga Biblia (2012))

Si Amasa wala makapanginlaman nga si Joab sa iya wala nga kamot nagauyat sang espada kag dayon ginbuno sia ni Joab sa tiyan kag nagwagay ang iya tinai sa duta. Napatay sia gilayon, gani wala na sia ginbuno ni Joab liwat. Dayon si Joab kag ang iya utod nga si Abisai nagpadayon sa pagpangita kay Seba.

Ilonggo APD 2022 (Ang Pulong Sang Dios)

Pero wala makatalupangod si Amasa sang espada sa wala nga kamot ni Joab. Ginbuno siya ni Joab sa tiyan kag nagwagay ang iya tinai sa duta. Napatay siya dayon, gani wala na siya liwat ginbuno ni Joab. Dayon nagpadayon si Joab kag ang iya utod nga si Abishai sa paglagas kay Sheba.