2 Samuel 20:12 — Compare Translations

Ilonggo (Ang Biblia (1982))

Kag si Amasa nagtubog sa iya kaugalingon nga dugo sa tunga sang dalan. Kag sang nakita sang tawo nga ang tanan nga tawo nagdolog, ginuyud niya si Amasa pagowa sa dalan pakadto sa latagon, kag gintabunan sia sing panapton, sang nakita niya nga ang tagsatagsa nga naglabay sa luyo niya nagdolog.

Ilonggo (Maayong Balita nga Biblia (2012))

Ang bangkay ni Amasa nagahamyang sa tunga sang dalan nga nagapaligo sa iya kaugalingon nga dugo. Ang isa ka tinawo ni Joab nakakita nga ang tagsatagsa nga makakita sini nagadulog sa pagtan-aw, gani ginsagnoy niya ang bangkay halin sa dalan pakadto sa latagon kag gintabunan niya ini sing habol.

Ilonggo APD 2022 (Ang Pulong Sang Dios)

Nagahamyang sa tunga sang dalan ang bangkay ni Amasa nga nagapaligo sa iya kaugalingon nga dugo. Ang bisan sin-o nga makakita sa iya nagapundo gid sa pagtan-aw. Gani sang matalupangdan ini sang sadto nga tinawo ni Joab, gin-guyod niya ang bangkay ni Amasa halin sa dalan pakadto sa latagon, kag gintabunan ini sang tela.