2 Samuel 20:22 — Compare Translations

Ilonggo (Ang Biblia (1982))

Niyan ang babayi nagkadto sa bug-os nga katawohan sa iya kaalam. Kag ginpunggol nila ang olo ni Seba nga anak ni Bicri, kag ginhaboy ini kay Joab. Gani sia nagpatonog sang budyong, kag nag-alaplaag sila gikan sa banwa, ang tagsa ka tawo pakadto sa iya layanglayang. Kag si Joab nagbalik sa hari sa Jerusalem.

Ilonggo (Maayong Balita nga Biblia (2012))

Dayon ginkadtuan niya ang mga pumoluyo sang siudad kag ginsugiran sang iya plano. Ginpugotan nila si Seba kag ginhaboy ang iya ulo kay Joab sa gwa sang pader. Ginpatunog ni Joab ang trumpeta kag ang tanan niya nga mga tinawo naghalin sa siudad kag nagpauli. Kag si Joab nagbalik sa hari sa Jerusalem.

Ilonggo APD 2022 (Ang Pulong Sang Dios)

Dayon ginkadtuan sang babayi ang mga pumuluyo sang banwa kag ginsugiran sila sang iya plano. Ginpugutan nila sang ulo si Sheba kag ginhaboy nila ini kay Joab. Ginpatunog dayon ni Joab ang budyong kag naghalin ang iya mga tinawo sa banwa kag nagpuli. Kag nagbalik si Joab sa hari sa Jerusalem.