2 Samuel 24:13 — Compare Translations

Ilonggo (Ang Biblia (1982))

Gani nagkadto si Gad kay David kag nagsugid sa iya, kag nagsiling sa iya, “Magaabut bala sa imo ang pito ka tuig nga gutum sa imo duta? Ukon magapalagyo ka sa atubang sang imo kaaway sing tatlo ka bulan samtang sila nagalagas sa imo? Ukon may tatlo bala ka adlaw nga kamatay sa imo duta? Karon binagbinagon mo, kag patugsilingan kon ano nga sabat ang ibalik ko sa nagpadala sa akon.”

Ilonggo (Maayong Balita nga Biblia (2012))

ginkadtuan sia ni Gad kag ginsugiran sang ginsiling sang Ginoo kag ginpamangkot sia kon ano ang iya pilion: “Tatlo ka tuig nga gutom sa duta, ukon tatlo ka bulan nga pagpalagyo sa inyo mga kaaway, ukon tatlo ka adlaw nga peste sa imo duta.” Ginsingganan sia ni Gad, “Karon panghunahunai kag sugiri ako kon ano ang imo isabat nga dalhon ko sa Ginoo.”

Ilonggo APD 2022 (Ang Pulong Sang Dios)

Gani nagkadto si Gad kay David kag nagsiling sa iya, “Diin sa sini ang gusto mo: Tatlo ka tuig nga gutom sa imo nasyon, tatlo ka bulan nga magpalagyo kamo sa inyo mga kaaway samtang ginalagas nila kamo, ukon tatlo ka adlaw nga kahalitan sa imo nasyon? Hunahunaa ina sing maayo, kag pahibalua ako kon ano ang isabat ko sa nagpadala sa akon.”