2 Samuel 5:8 — Compare Translations

Ilonggo (Ang Biblia (1982))

Kag nagsiling si David sadtong adlaw, “Ang bisan sin-o nga magpatay sa mga Jebusnon, magtaklad sia sa daganasan sa pagpatay sang mga piang kag sang mga bulag, nga ginadumtan sang kalag ni David.” Busa nagasiling sila, “Yara ang mga bulag kag ang mga piang; indi sia makasulud sa balay.”

Ilonggo (Maayong Balita nga Biblia (2012))

Sa sadto nga adlaw si David nagsiling sa iya mga tinawo, “May yari bala diri nga nagadumot sa mga Jebusnon subong sang akon pagdumot kag handom sa pagpatay sa ila? Magkadto sia sa kanal nga ginaagyan sang tubig kag salakayon ining makaluluoy nga mga bulag kag mga piang.” Gani amo ina nga ginasiling nga ang mga bulag kag mga piang indi makasulod sa balay sang Ginoo.

Ilonggo APD 2022 (Ang Pulong Sang Dios)

Sang wala pa masulod ni David ang Jerusalem, nagsiling siya sa iya mga tinawo, “Didto kamo agi sa alagyan sang tubig para makasulod kamo sa Jerusalem kag mapierdi ninyo ang mga Jebusnon nga daw sa mga piang kag mga bulag. Kontra ko gid sila!” Amo ina nga may hulubaton nga nagasiling, “Indi makasulod ang mga bulag kag mga piang sa balay sang Ginoo.”