Acts 13:46 — Compare Translations

Ilonggo (Ang Biblia (1982))

Kag si Pablo kag si Bernabe nagpamolong sing masidla, kag nagsiling, “Kinahanglan nga ang polong sang Dios ihambal sing una sa inyo. Sanglit ginsikway ninyo ini, kag ginhukman ang inyo kaugalingon nga ditakus sang kabuhing walay katapusan, yari karon, nagaliso kami sa mga Gentil.

Ilonggo (Maayong Balita nga Biblia (2012))

Pero nagdugang pa gani ang kaisog ni Pablo kag ni Bernabe sa paghambal kag nagsiling sila: “Kinahanglan gid nga ihambal sing una sa inyo ang pulong sang Dios. Pero tungod kay ginasikway ninyo ini, kag wala ninyo ginakilala nga takos kamo sa pagbaton sang kabuhi nga wala sang katapusan, bayaan namon kamo kag magkadto sa mga Hentil.

Ilonggo APD 2022 (Ang Pulong Sang Dios)

Pero nag-isog pa gid si Pablo kag si Barnabas. Nagsiling sila sa mga Judio, “Kinahanglan gid nga iwali anay sa inyo nga mga Judio ang pulong sang Dios. Pero tungod kay ginasikway ninyo siya, nagapakilala lang ina nga kamo indi bagay nga hatagan sang kabuhi nga wala sing katapusan. Gani halin subong, sa mga indi Judio na kami mawali sang Maayong Balita.