Amos 9:13 — Compare Translations

Ilonggo (Ang Biblia (1982))

“Yari karon, nagaabut ang mga adlaw,” nagasiling ang Ginoo, “nga ang manug-arado magalambut sang mangangani, kag ang manuglinas sang mga uvas sang nagasab-ug sang binhi; ang mga bukid magapatulo sing matam-is nga alak, kag ang tanan nga kabakoloran matunaw.

Ilonggo (Maayong Balita nga Biblia (2012))

Ang Ginoo nagasiling, “Ang mga adlaw magaabot, nga samtang ang mga manug-ani nagaani pa, ang mga mangungoma nagaarado na, kag samtang ang mga manughimo sing bino nagahimo pa sing bino, ang mga manugpanggas nagasugod na sa pagpanggas sang binhi. Ang mga bukid magatubod sing matam-is nga bino, kag ang bino magailig gikan sa mga bakulod.

Ilonggo APD 2022 (Ang Pulong Sang Dios)

Nagsiling pa gid ang Ginoo parte sa mga taga-Israel, “Magaabot ang tion nga mangin bugana gid ang ila mga patubas, sa bagay nga ang ila pag-ani indi pa matapos hasta sa tion sang pag-arado. Kag ang ila pagpuga sang ubas indi pa matapos hasta sa tion sang pagtanom naman sang ubas. Kon tan-awon ang puwerte kadamo nga mga ubas sa mga bukid daw sa nagailig ini nga bag-o nga bino.