Daniel 11:2 — Compare Translations

Ilonggo (Ang Biblia (1982))

“Kag karon ipahayag ko sa imo ang kamatooran. Yari karon, may magatindug pa nga tatlo ka hari sa Persia; kag ang ikap-at magamanggaranon pa gid sa ila tanan; kag kon manginmalig-on sia paagi sa iya manggad, painiton niya ang tanan batok sa ginharian sang Grecia.

Ilonggo (Maayong Balita nga Biblia (2012))

Karon ang akon isugid sa imo matuod.” Ang anghel nagsiling, “May tatlo pa ka mga hari nga magagahom sa Persia, pagasundan ini sang ikap-at nga manginmanggaranon pa sang sa ila tanan. Kag kon yara na sia sa putokputokan sang iya gahom kag manggad pagahangkaton niya ang ginharian sang Gresia.

Ilonggo APD 2022 (Ang Pulong Sang Dios)

“Karon, isugid ko na sa imo ang kamatuoran: May tatlo pa ka hari nga magahari sa Persia. Ang ikaapat nga hari nga magasunod sa ila nga tatlo mas manggaranon pa sang sa ila. Paagi sa iya manggad, mangin gamhanan siya, kag pagasulsulan niya ang iban nga mga ginharian nga magpakig-away kontra sa ginharian sang Greece.