Daniel 2:35 — Compare Translations

Ilonggo (Ang Biblia (1982))

niyan ang salsalon, ang daga, ang saway, ang pilak, kag ang bulawan, nadugmok sing tingub, kag nanginkaangay sang labhang sang mga linasan sa tingadlaw; ginpalid sila sang hangin, sa bagay nga wala sila makit-i kon diin nga duug. Apang ang bato nga nag-igo sang larawan nangindaku nga bukid kag naghil-ob sang bug-os nga duta.

Ilonggo (Maayong Balita nga Biblia (2012))

Sa gilayon ang salsalon, tisa, saway, pilak, kag bulawan nagkaladugmok kag nanginkaangay sang yab-ok sa linasan nga duta sa panahon sang tingadlaw. Ginpalid ini tanan sang hangin kag indi na ini makita. Pero ang bato nagtubo nga nanginbukid kag nagtabon sang bug-os nga duta.

Ilonggo APD 2022 (Ang Pulong Sang Dios)

Sa gilayon nagkaladugmok ang salsalon, tisa, saway, pilak, kag bulawan. Kag nangin pareho na lang ini sang upa sa linasan nga ginapalid sang hangin kon diin-diin. Pero ang bato nga nagdugmok sa tiil sang estatwa nangin dako nga bukid kag naglikop sa bilog nga kalibutan.