Daniel 2:9 — Compare Translations

Ilonggo (Ang Biblia (1982))

apang kon indi ninyo mapakilala ang damgo sa akon, may isa lamang ka kasogoan nga sa inyo. Kay nagaaman kamo sa inyo sing binutig kag dunut nga mga polong nga ihambal sa atubangan ko tubtub nga magbaylo ang tion. Busa isugid sa akon ang damgo, kag makilala ko nga kamo makapahayag sa akon sang iya kasaysayan.”

Ilonggo (Maayong Balita nga Biblia (2012))

Pero kon indi ninyo ako masugiran sang akon damgo, silutan ko kamo tanan sing palareho. Nagkasugot kamo sa pagbutig sa akon nga nagalaom nga magbaylo ang akon panghunahuna. Sugiri ninyo ako kon ano ang akon damgo, kag dayon mahibaluan ko kon makasugid kamo sa akon sang kahulogan sini.”

Ilonggo APD 2022 (Ang Pulong Sang Dios)

nga kon indi gani ninyo mapakot kag mapaathag ang akon damgo silutan ko gid kamo sadtong akon ginsiling. Nagsugtanay kamo nga magbutig sa akon kay nagapinsar kamo nga magbag-o pa ang situasyon. Pakta na ninyo kon ano ang akon damgo para mapati ako nga makahibalo gid kamo magpaathag sang kahulugan sini.”