Daniel 6:12 — Compare Translations

Ilonggo (Ang Biblia (1982))

Niyan nagpalapit sila kag nagpamolong sa atubangan sang hari nahanungud sang pagdumili sang hari, “Wala ka bala magpirma sing pagdumili, nga ang tagsa ka tawo nga magpangayo sa bisan kay sin-o nga dios ukon sa tawo sa sulud sang katloan ka adlaw luwas sa imo, O hari, itagbong sa lungib sang mga leon?” Ang hari nagsabat, “Matuud nga butang, sono sa kasogoan sang mga Mediahanon kag sang Persihanon, nga wala nagabaylo.”

Ilonggo (Maayong Balita nga Biblia (2012))

kag tanan sila nagkadto sa hari sa pagsumbong kay Daniel. Nagsiling sila, “Mahal nga Hari, nagpirma ka sang mando nga sa masunod nga traynta ka adlaw ang bisan sin-o nga magpangamuyo sing bisan ano sa kay bisan sin-o nga dios ukon tawo, luas sa imo, pagaihaboy sa lungib sang mga leon.” Ang hari nagsabat, “Huo, isa ini ka mando nga dapat gid tumanon, kaangay ini sang mga kasugoan sang mga Midianhon kag mga Persianhon nga indi maislan.”

Ilonggo APD 2022 (Ang Pulong Sang Dios)

Gani nagkadto sila sa hari para isugid ang paglapas ni Daniel sa kasuguan. Nagsiling sila sa hari, “Indi bala, Mahal nga Hari, nga nagpirma ka sang kasuguan nga sa sulod sang 30 ka adlaw wala sing may magpangamuyo sa kay bisan sin-o nga dios ukon tawo kundi sa imo lang? Kag ang bisan sin-o nga maglapas sang sadto nga sugo ihulog sa buho nga may mga leon?” Nagsabat ang hari, “ Matuod ina, kag suno sa kasuguan sang aton ginharian nga Media kag Persia, indi na gid ina puwede liwaton ukon dulaon.”