Ecclesiastes 2:21 — Compare Translations

Ilonggo (Ang Biblia (1982))

kay may tawo nga ang iya pagpangabudlay naupdan sing kaalam kag ihibalo kag pagkasampaton apang sa tawo nga wala magpangabudlay sini igabilin niya ini nga iya bahin. Ini man kadayawan kag daku nga malaut.

Ilonggo (Maayong Balita nga Biblia (2012))

Nagapangabudlay ka sa bug-os mo nga kaalam, ihibalo, kag kinaadman para sa isa ka butang, kag dayon bayaan mo man lang ini sa tawo nga wala magpangabudlay sini. Wala ini sing pulos, kag wala nagakaigo!

Ilonggo APD 2022 (Ang Pulong Sang Dios)

Kay bisan magpangabudlay ka pa sa bug-os mo nga kaalam kag abilidad, ibilin mo man lang ang tanan nga ginpangabudlayan mo sa tawo nga wala nagpangabudlay sini. Wala man ini sing pulos, kag tama kalain.