Ecclesiastes 9:11 — Compare Translations

Ilonggo (Ang Biblia (1982))

Nagliso ako kag nakita ko sa idalum sang adlaw nga ang palumba indi sa madasig, ukon ang inaway sa makusug, kag indi man ang kalan-on sa maalam, ukon ang manggad man sa mga tawo nga mahangponon, ukon ang kahamuut man sa mga tawo nga sampaton; kondi ang tion kag ang kahigayonan nagakahanabu sa ila tanan.

Ilonggo (Maayong Balita nga Biblia (2012))

Natalupangdan ko ang isa ka butang, nga sa sini nga kalibutan ang madasig magdalagan indi pirme ang nagadaog sa palumba, kag ang maisog indi pirme ang nagadaog sa inaway. Ang maalam nga mga tawo indi pirme ang makakita sing palangabuhian, ang may kaabtik sing panghunahuna indi pirme ang nagamanggaranon, kag ang makasarang nga mga tawo indi pirme ang nagasaka sa mataas nga mga palangakuan. Ang malain nga kapalaran nagakatabo sa tanan.

Ilonggo APD 2022 (Ang Pulong Sang Dios)

May nakita pa gid ako diri sa kalibutan: Indi tanan nga madasig magdalagan nagadaog sa palumba, kag indi tanan nga makusog nagadaog sa inaway. Indi tanan nga maalamon makakita sang palangabuhian, indi tanan nga maalam nagamanggaranon, kag indi tanan nga may abilidad ginapaboran. Kay nagaabot sa tagsa ka tawo ang iya kapalaran.