Esther 1:19 — Compare Translations

Ilonggo (Ang Biblia (1982))

Kon nahamut-an sang hari, maggowa ang sogo nga harianon gikan sa iya, kag isulat ini sa mga kasogoan sang mga Persiahanon kag sang mga Mediahanon nga indi ini mabaylohan, nga si Vasti indi na magkari sa atubangan ni Hari Asuero; kag ihatag sang hari ang iya harianon nga pagkahimtang sa isa nga maayo pa sa iya.

Ilonggo (Maayong Balita nga Biblia (2012))

Kon luyag mo, Mahal nga Hari, maghimo ka sing isa ka sugo nga si Vasti indi na liwat magkadto sa atubang sang hari. Ilakip ini sa mga kasugoan sang Persia kag Media agod indi gid ini maislan. Dayon ihatag sang hari ang pagkarayna sa isa ka babayi nga mas dungganon pa sang sa iya.

Ilonggo APD 2022 (Ang Pulong Sang Dios)

“Gani kon gusto mo, Mahal nga Hari, maghimo ka sang isa ka sugo nga nagasiling nga indi na magpakita sa imo si Rayna Vashti, kag ang katungdanan bilang rayna ihatag na lang sa iban nga mas maayo pa sang sa iya. Ipasulat ini nga sugo kag ilakip sa mga kasuguan sang aton ginharian nga Persia kag Media para indi na maliwat.