Esther 2:18 — Compare Translations

Ilonggo (Ang Biblia (1982))

Niyan ang hari naghimo sing daku nga piesta sa tanan niya nga principe kag sa iya mga alagad; ang piesta kay Ester. Naghimo man sia sing pahuway sa mga puud, kag naghatag sing mga dolot sono sa kaalwan sang hari.

Ilonggo (Maayong Balita nga Biblia (2012))

Dayon ang hari naghiwat sang daku nga punsyon sa kadungganan ni Ester kag gin-agda niya ang iya tanan nga mga opisyales kag mga manugdumala. Ginpahayag man niya ang isa ka adlaw nga piesta opisyal sa bug-os nga ginharian kag nagpanagtag sia sing mga regalo suno sa iya kaalwan subong hari.

Ilonggo APD 2022 (Ang Pulong Sang Dios)

Naghiwat dayon sang dako nga punsyon ang hari para padunggan si Ester. Gin-imbitar niya ang tanan niya nga mga opisyal kag ang iban pa niya nga mga alagad. Kag gindeklarar niya sa bilog nga ginharian nga magpahuway ang mga tawo sa sadto nga adlaw. Kag sa iya kaalwan, nagpanghatag siya sang regalo sa mga tawo.