Esther 2:3 — Compare Translations

Ilonggo (Ang Biblia (1982))

Kag ang hari magtangdo sing mga manugdumala sa tanan nga puud sang iya ginharian agud nga matipon nila sing tingub ang tanan nga linghud nga ulay nga matahum sa Susan nga palacio, sa balay sang mga babayi sa pag-atipan ni Hegai nga eunuco sang hari nga manugbantay sang mga babayi; ihatag sa ila ang ila mga butang sa pagpaninlo.

Ilonggo (Maayong Balita nga Biblia (2012))

Magpili ka sing mga opisyales sa tanan nga mga probinsya sang imo ginharian sa pagtipon sang tanan nga matahom kag lamharon nga mga dalaga sa balay sang imo mga babayi diri sa Susa, ang kapital nga siudad. Itugyan sila sa pag-atipan ni Hegay, ang kapon nga amo ang gintugyanan sa pag-atipan sang imo mga babayi kag hatagan sila sang ila kinahanglanon sa pagpatahom sang ila kaugalingon.

Ilonggo APD 2022 (Ang Pulong Sang Dios)

Magpili ka sang mga opisyal sa kada probinsya nga sakop sang imo ginharian para magpangita sang guwapa kag bataon nga mga dalaga kag magdala sa ila sa elistaran sang mga babayi diri sa napaderan nga siyudad sang Susa. Ipaatipan mo ang mga dalaga kay Hegai nga imo mataas nga opisyal, nga gintugyanan mo nga mag-atipan sa mga babayi sa palasyo. Kag siya ang bahala nga maghatag sa ila sang ila mga kinahanglanon sa pagpatahom.